حلوي بنسكافيه من مطبخي

حلوي بنسكافيه



هاد لحليوة ديرتها اليوم جات بنينة بزاف بلا منزيد نشاهيكم نحط ليكم

المقادير
500غ الزبدة
5 ساشيات نيسكافيه
نصف بكية خمير ةالحلوي
1 ساشي ڤاني
4 مغارف كبار سكر كلاصي
بيضة
دقيق حسب الخليط
للتزيين
شكلاط أسود
مربي أو نوتيلا
لوز مهروش أو كركاع

نخلطو الزبدة مزيان ونزيدو عليها السكر وساشي فاني ونخلطو مزيان وناخدو بيضة ونطربوها مع نيسكافي ونزيدوها علي خليط الزبدة ونخلطو ونديرو الخميرة والدقيق
نطلقوالعجينة ونطبعوها بالشكل لي بغينا وندخلوهم الفران يطيبو مين يطيبو نخرجوهم ونلصقهم بالمربي أو نوتيلا ومغطسهم في الشكلاط وندردشو فوق منهم اللوز أو الكركاع وبالصحة والراحة
ها دالحيوة مجرباها وكاجي لديدة أنا ندير غير 250غ الزبدة